Då er heile dogmehistorien til professor Carl Fredrik Wisløff blitt gjort tilgjengeleg her på foross.no. Om du berre har litt interesse av kyrkjesoga, så vil du ha stor nytte av desse førelesningane på to måtar. Du vil få høyre om dogma i kyrkja si historie, og du vil også få eit blikk på dei frå nyare historisk tid. Forelesningane hadde Wisløff då han var professor i kyrkjesoge på Menighetsfakultetet, der han gjekk av i 1975. Det vil seie at det nok er meir enn femti år sidan dei vart heldt.
I undervisninga gjer han greie for utviklinga av og ulike diskusjonar rundt forskjellige læresetningar i den kristne trua. Samtidig som han gjer det kommenterer han også nokre av desse og visar til aktuelle diskusjonar som stod på medan han hadde desse førelesningane. Desse kommentarane er interessante og visar oss at mange av diskusjonane vi har i dag, har parallellar til diskusjonar kyrkja stod i då Wisløff underviste. Så ser vi likevel at diskusjonane har utvikla seg etter denne tid, og inngangen i vår tid er ikkje den same.
Enkelte av førelesningane går for mykje inn interne katolske forhold for min smak, men det er berre enkelte av dei. Sjølv om formatet er informativt og undervisande, har Wisløff enkelte anekdotar og kommentarar som gjer det fornøyeleg å lytte til. Når ein lyttar seg gjennom desse, så vert du kobla på ein lenger samtale om truslæra. Det kan vi ha nytte av i ei tid kor ting går raskt frå eit innlegg til det neste. Det å stoppe opp å ha langsame diskusjonar er viktig når det er viktige ting som står på spel.
Heile serien kan du høyre her:
