Publisert

Jesus møter Sakkeus 2 – I dag


Ca leselengde:
2 min

Då Jesus kom til staden, såg han opp og sa til han: Sakkeus skunda deg og kom ned! For i dag lyt eg vera i ditt hus. Luk 19:5

Du vart kanskje døypt som liten, og vart eit Guds barn i dåpen. Kanskje kom du seinare bort frå Gud, men kom til omvending og vart ein kristen som ung eller i vaksen alder. Kanskje kan du fortelje om det store du opplevde den gongen du gav deg over til Gud. Eller kanskje har du kalla deg ein kristen heile livet.

Korleis har du det med Gud i dag? Har du fellesskap med Jesus no?

Kanskje mykje har endra seg sidan du vart kristen. Ja, der skal vere ei endring i kunnskap, i åndeleg modning og vekst. Men for mange blir det ei endring der ein kjem på avstand frå Jesus, kristenlivet blir statisk og passivt. Livet fører mange viktige ting med seg, som gjer krav på oss. Det tek så lett den plassen i hjartet som Jesus skulle ha. I likninga om såmannen står eit trist og ransakande ord om dette.

Det som fall mellom klunger, er dei som høyrer, og medan dei vandrar, vert dei kjøvde av suter og rikdom og lystene i livet, så dei ikkje ber fullmogen frukt. Luk 8:14

Kvar gong du les forteljinga om Sakkeus, møter Jesus deg slik: «I DAG lyt eg vere i ditt hus.» I morgon, neste veke, neste år, står det like eins. Det er eit vekkarrop inn i liva våre. Og det er ei stor anledning når Jesus kjem til oss slik. Han er på veg gjennom Jeriko til Jerusalem, for å døy på eit kors. For å sone Sakkeus sine synder, dine synder, verda sine synder. Han kjem til oss med heile si frelse og vil ha rom i liva våre. Det er om å gjere for Jesus å få bu hos oss. I dag.

Med brennhug trår han etter den ånd han let bu i oss. Jak 4:5b

Det talar så sterkt om Guds higen etter fellesskap med oss. Det er ikkje berre Sakkeus, eller du og eg, som har lyst å sjå Jesus. Men endå meir Jesus som lengtar etter å få kome til oss med si frelse og si omsut.

 


 

Relatert



Støtt foross.no
Ca leselengde
2 min
Ressurstype

  Andakt

Skrifthenvisninger

  Lukas´ evangelium  19: 5

  Lukas´ evangelium  8: 14

Forfatter
forfatter_fotoSkrevet av: Lars Kjetil Emblem.
  Lars Kjetil er fra Emblem i Ålesund kommune. Han er gift med Elisabet og de har to barn. I sitt arbeid kjører han sesongvis som lastebilsjåfør på sommerhalvåret og er forkynner i Norsk luthersk misjonssamband på vinterhalvåret.
   Ressurser av Lars Kjetil Emblem
Vil du støtte foross.no?

  Du kan gi via kredittkort

  Du kan benytte Støtt foross via Vipps! med Vipps-nummer: 70979

  Mer info og andre alternativ finnes på siden STØTT OSS.