Utforsk
    foross.no logo
    foross.no logo
    • Kirkeåret
    • Kontakt oss
    • Gi
logo

Han som ikke visste av synd, har han gjort til synd for oss, for at vi i ham skulle få Guds rettferdighet. (2 Kor 5,21)

Vipps: 70979

Kontonummer: 1503 82 08168

Organisasjonsnummer: 917 742 065

Epost: post@foross.no

Foross på Facebook Foross på Instagram

Nettstedet er utviklet av Marius Sørenes. Logo og grafisk profil er utformet av Creo-x AS.

Nådestolen - Guds møteplass

Faste
Forsoningen
avatar
Johannes Kleppa

2m lesetid

•

24.02.2024

Nådestolen - Guds møteplass
@ Bilde av Michael Li på Flickr

Då Israelsfolket hadde fått lovopenberringa, dei ti boda, og det var inngått pakt mellom folket og Gud ved offerblod, skjedde det ei ny og viktig openberring på Sinai. Der lova var openberra, måtte det også evangelieopenberring til. Der det var eit ord som avslørte synd og skapte syndserkjenning, måtte det også til eit ord som viste nåde og gav syndstilgjeving. Det heile peikar fram mot den endegyldige evangelieopenberringa på Golgata.

Evangelieopenberringa på Sinai skjedde ved openberring av tabernakelet. Då Moses hadde overrakt boda til Israelsfolket, og pakta var inngått, kalla Gud på nytt Moses opp på fjellet. Der møtte Gud han ein gong til, og han gav openberringa om tabernakelet og alt som høyrde til der med presteteneste og offer. Det heile var svært detaljert. (2 Mos 25 – 31).

Det første Gud viste Moses, var paktkista med nådestolen. Det viser kor viktig denne var. Det var sjølve kardinalplassen i tabernakelet og det som skjedde der. Det var det heilage punktet på jorda. Paktkista skulle byggjast etter bestemte mål og på ein bestemt måte, og ho skulle vera kledd med gull både utvendig og innvendig. Det viktigaste innhaldet i kista var lovtavlene, Guds vilje.

Nådestolen var lokket på paktkista. På lokket skulle det vera to kjerubar, ein i kvar ende og dei skulle dekka nådestolen med vengane sine. Lokket og kjerubane skulle lagast i eitt og av gull. I teltdukane og førehenget inn til Det høgheilage skulle det broderast kjerubar. Desse englane var Guds fremste vaktmenn, og dei skulle vakta heilagdomen, særleg nådestolen. Nådestolen var eineståande ved at Gud sa til Moses:

«Eg vil koma saman med deg der. Frå nådestolen mellom begge kjerubane som er på vitnemålsarka, der vil eg tala med deg om alt det eg vil påleggja deg å seia til Israels-borna.»
2 Mos 25:22

Nådestolen var altså møtepunktet mellom Gud og mennesket, der Gud kunne og ville møta folk med nåde og velsigning, ikkje dom og straff. Det var hovudsaka med tabernakelet og alt som skjedde der. Alt som gjeld tabernakelet, peikar fram mot Jesu frelsesverk, særleg at han i sin person er både øvsteprest og offerlam. I sin person og ved sitt frelsesverk oppfyller Jesus alt som tabernakelet forkynner. Det er i Jesus Gud vil og kan møta oss med nåde og syndstilgjeving, slik Paulus skriv: «Han (Jesus) stilte Gud fram i blodet hans som ein nådestol ved trua.» (Rom 3,25).


Denne andakten er hentet fra fasteboken "Til Jerusalem" som er skrevet av Johannes Kleppa. Om du ønsker å kjøpe denne boken, finnes den tilgjengelig blant annet her.

Likte du artikkelen?

Denne artikkelen er en del av serien

Fasteserie: Til Jerusalem

I denne serien får du lese noen av tekstene fra Johannes Kleppa sin fastebok: Til Jerusalem.

    Bakgrunnsbilde for serie

    Se alle artikler

Relaterte innlegg

annonse